Azərbaycanın güneyi Muğan bölgəsində mədəni aksiya keçirilib.
Aksiya 17 dekabr 1946-cı ildə Azərbaycanın güneyində Milli Hökumət devrildikdən sonra türkcə dərslik və kitabların yandırılması gününün ildönümü ilə əlaqədar təşkil olunub.
Milli-mədəni fəallar türk dilində uşaqlar və yeniyetmələr üçün nəşr olunan çox sayda kitab paylayıb, fars şovinistləri tərəfindən türkcə kitabların yandırılmasına etirazlarını bildirib, qeyri-fars dillərə qarşı oxşar siyasətin davam etdiyini xatırladıblar.
Qeyd edək ki, 1946-cı ildə Azərbaycan milli Hökuməti devrildikdən sonra mərkəzi hökumət qoşunları Azərbaycan şəhərlərində qırqın törətməklə yanaşı türk dilində nəşr olunan dərslik və başqa kitabların yandırılmasına başladılar.
Xüsusilə 12 dekabr (26 azər) günü Azərbaycanın güneyində bir çox bölgələrində hökumət qoşunları və onların yerli əlaltıları bir illik Milli Hökumət dövründə çap olan türkcə kitabları toplayaraq yandırıblar.
Bu hadisədən sonra dahi Azərbaycan şairi Səməd Vurğun məşhur “Yandırılan kitablar” şeirini yazıb.
Cəllad sənin qalaq-qalaq yandırdığın kitablar
Min kamalın şöhrətidir, min min ürəyin arzusu…
Biz köçürük bu dünyadan, onlar qalır yadigar,
Hər vərəqə nəqş olunmuş neçə insan duyğusu.
