Təbriz Turan TV xəbər verir ki, “İnstaqram” sosial şəbəkəsi İranın İnformasiya Şurasının sədri və sözçüsü Əli Bahaduri Cəhrominin 80 min nəfər izləyicisi olan şəxsi hesabını bağlayıb.
Qeyd edək ki, “İnstaqram” son günlər bir sıra İran rəsmilərinin, o cümlədən İranın İrşad və Mədəniyyət naziri və Rabitə nazirinində bu sosial mediaya çıxışına qadağa qoyub.
İranın Rabitə və İnformasiya Texnologiyaları Nazirliyinin İctimaiyyətlə Əlaqələr Mərkəzi və İnformasiya Mərkəzinin rəhbəri Mehdi Salim bunu təsdiq edib.
O, sosial mediada etdiyi paylaşımda adı çəkilən şəxslərin “İnstaqram” sosial şəbəkəsində hesablarının bağlandığını deyib.
