“Qoman” İnstitutunun aprelin 1-də dərc etdiyi son sorğuya əsasən, iranlıların 88 faizi “demokratik və sekuliyar siyasi sistemin tərəfdarıdır, 67 faizi isə “dini qanunlarla idarə olunan struktur və sistemin əlehinədir.
Təbriz Turan TV xəbər verir ki, sorğuda iştirak edənlər həmçinin ölkədə “siyasi dəyişikliyə nail olmağın” ən yaxşı yolu kimi əvvəlcə ümummilli tətil, daha sonra sosial şəbəkələrdə “etiraz kampaniyası”, daha sonra isə “vətəndaş itaətsizliyi üsullarından” istifadə olunmasını təklif ediblər.
İranlıların siyasi meyllərinə gəlincə, sorğu göstərir ki, əhalinin 41%-i “İslam Respublikasının devrilməsini”, 21%-i “struktur dəyişiklikləri və islami quruluşdan mərhələli uzqlaşmağı”, 18%-i “əsas prinsip və dəyərlərin qoruyub saxlanılmasını. İnqilab və onun rəhbərinin dəstəklənməsini istəyir.
Bununla yanaşı 8% isə “İslam Respublikası çərçivəsində mərhələli islahatların aparılmasını vacib sayır.”
