İranın yol və şəhərsalma nazirinin müavini Xeyrullah Xadimi Ermənistanın Tehrandakı səfiri ilə görüşüb.
Təbriz Turan TV xəbər verir ki, nazir müavini İranın iki ölkə arasında yeni kommunikasiya dəhlizinin tamamlanması üçün texniki və mühəndislik xidmətlərinin ixracında Ermənistanla əməkdaşlığa hazır olduğunu bildirib.
“İlna” xəbər verir ki, Ermənistanının Tehrandakı səfiri Arsen Avaqyanla görüşdə iki ölkə arasında nəqliyyat sahəsində əməkdaşlığı və yeni kommunikasiya dəhlizinin tamamlanması ilə İran və Ermənistan arasında quru yol əlaqəsinin asanlaşdırılması müzakirə edilib.
“İran hazırda Təbrizdən Nurduz sərhəddinə qədər yol çəkərək Ermənistanla bu kommunikasiya dəhlizinin tamamlanması üçün şərait yaradır ki, layihə tamamlanacağı halda, məsafəni azaltmaqla yanaşı, paralel dəhlizlərlə də rəqabət apara bilər”-deyə, iranlı nazir müavini Xeyrullah Xadimi bildirib.
