Qərbi Azərbaycan əyalətində onlarla kəndin yolu bağlanıb. Bu barədə Qərbi Azərbaycan əyalətinin Yollar və Yükdaşıma Nəqliyyatı İdarəsinin başçısı Ərsəlan Şükri açıqlama verib.
Təbriz Turan TV xəbər verir ki, Ərsəlan Şükri yanvarın 28-də mediaya verdiyi açıqlamada güclü qar və çovğun nəticəsində əyalətin onlarla kəndinin yolunun bağlandığını deyib.
O, xüsusilə əyalətin cənub bölgələri, Bukan, Piranşəhr və Sərdəşt mahallarında 90 kəndin yolunun bağlandığını, nəqliyyatın hərəkətinin iflic olduğunu bildirib.
