Azərbaycan güneyi Sulduz mahalının qoruq ərazisi olan Seyran gölü-Daş Dürgə gölməçəsi ətrafında aprelin 7-dən 8-ə keçən gecə başlayan yanğın küləyin əsməsi nəticəsində onlarla hektar əraziyə yayılıb.
Təbriz Turan TV xəbər verir ki,Yerli media qurumları və ətraf mühit fəalları bölgə şəhərlərinin yanğınsöndürənlərinin hadisə yerinə cəlb olunmasına baxmayaraq yanğının qarşısının alınması çətinləşib.
Onlar qoruq ərazidə çox sayda nadir quş, heyvan və bitki növlərinin olduğunu, yanğınları ətraf mühitə ciddi ziyan vurduğunu yazıblar.
Sulduz Şəhər Şurasının üzvü Səid Dilməqani bölgə yollarının texniki avadanlıqların hərəkəti üçün uyğun olmadığı səbəbindən yanğının söndürülməsi və genişlənməsinin qarşısının alınmasının çətinləşdiyini bildirib.
Sulduz şəhərinin Böhran İdarəetmə Mərkəzi yanğınla bağlı verdiyi açıqlamada yanğının 12 hektar qoruq ərazini məhv etdiyini, məqsədli şəkildə törədildiyini vurğulanır.
Məlumatda araşdırmalar aparılması üçün hüquq-mühafizə qurumlarına müraciət oldunduğunu qeyd olunur.
