Tanınmış insan haqları müdafiəçisi Aliyə İqdamdusta təzyiqlər güclənib. İki aydır Tehranın Evin zindanında saxlanılan fəalın məzuniyyətə buraxılmasına icazə verilmir.
Təbriz Turan TV xəbər verir ki, İran İnsan Haqları Təşkilatının yaydığı məlumata görə, “hökumətə qarşı təbliğat”da ittiham olunan 63 yaşlı fəalın girov qoymaq üçün maddi imkanı olmadığına görə, məzuniyyət hüququndan istifadə etməsinə imkan verilmir.
Qeyd edək ki, insan haqları müdafiəçisi fevralın 7-də Gilan əyalətinin Fumən şəhərindəki şəxsi evində təhlükəsizlik məmurları tərəfindən həbs edilib.
Bundan öncə 9 il həbsdə olan Aliyə İqdamdust Tehranın “Evin” zindanının “Müqəddəs” Məhkəməsinin tapışırığı ilə Fumən şəhər məhkəməsinin 2-ci şöbəsinin qərarı ilə saxlanılıb.
